Hello!
我地係十二隻可愛嘅極地雪犬Greenland
Twelve呀﹗
我地今朝嘅工作係拉三個來自香港嘅客人makmak、Eunice同阿Dick，佢地咁遠由香港過嚟，梗係要玩吓由我地十二隻雪犬一齊拉嘅狗拉雪橇啦﹗
好在今日只有負28度，天氣無早兩日咁凍，唔係好似第一日咁負44度，實凍到佢地叫救命啫。
不過，佢地都做足準備，著晒主人幫佢地預備嘅海豹皮連身衣同埋雪鞋，總算係暖笠笠出發啦﹗
Let's go﹗主人一聲令下，兩個小時的狗拉雪橇活動開始啦﹗依照我地以往嘅陣營，有一或兩隻拍檔會係前排做帶領犬，後排就扇形排開。在主人熟悉的叫喚下，我地跑呀跑…
我地愈跑愈快，三個香港嚟嘅朋友都表現得好興奮呀﹗
不過，隊伍入面有個拍檔今日好似不在狀態，成日落後，連makmak都忍唔住要幫佢拍番輯video。
好在好快嚟到中場休息，呢個拍檔可以抖一下。至於我地就梗係扮演親善大使，同三個客人又影相，又擁抱，不知氹得佢地幾開心。
回程時，開始起風了。主人著三個客人背風而坐，想必是免他們凍得難受吧。不過，對耐寒嘅我地嚟講，這片寒冷的極地，才是我們熟悉的家鄉呢﹗
